Surah Al Qalam Ayat 5-6 Urdu Translation Tafseer

Para 29 - تَبٰرَكَ الَّذِیْ

سورة القلم

Audio PDF

بِسْمِ اللّٰهِ الرَّحْمٰنِ الرَّحِیْمِ

68.5-6

فَسَتُبْصِرُ وَ یُبْصِرُوْنَۙ (5) بِاَیِّكُمُ الْمَفْتُوْنُ(6)

Kanz ul Iman Kanz ul Irfan

کنزالعرفان

تو جلد ہی تم بھی دیکھ لو گے اور وہ بھی دیکھ لیں گے۔ کہ تم میں کون مجنون تھا۔

تفسیر : ‎صراط الجنان

{فَسَتُبْصِرُ: تو جلد ہی تم بھی دیکھ لو گے۔} اس سے پہلی آیات میں اللّٰہ تعالیٰ نے اپنے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ پر لگائے گئے کفار کے الزام کا جواب دیا اور اپنے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کی عظمت و شان کو بیان کیا اور اس آیت اور اس کے بعد والی آیت میں ارشاد فرمایا کہ اے پیارے حبیب! صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ، جب دنیا میں ان پر آپ کے معاملے کی حقیقت ظاہر ہوگی اور آپ کفار کو قتل کر کے اور ان کے مال بطورِ غنیمت حاصل کر کے ان پر غالب ہوں گے اور جب قیامت کے دن حق باطل سے ممتاز ہو جائے گا تو آپ بھی جان جائیں گے اور کفارِ مکہ بھی جان لیں گے کہ جنون آپ پر تھا یا وہ خود مجنون اور پاگل تھے۔( جلالین مع صاوی،ن القلم، تحت الآیۃ: ۵-۶، ۶ / ۲۲۱۱-۲۲۱۲)